Ang tangibility ng pag-asam

Ang mga instinto sa trading ay bumubuo sa isang pangunahing bahagi ng sikolohiya sa trading. Ang mga ito ay nahahati sa tatlong pangunahing grupo: ang tangibility ng pag-asam, pagkiling na batay sa pandama, at pag-iwas sa anumang malabo. Tatalakayin natin dito ang tangibility ng pag-asam.

At alam nating lahat kung anong nadarama sa isang rollercoaster—nakakatuwa, nakakatakot, nakaka-stress, at marami pang iba!

Alam din namin na ang paggawa ng desisyon sa pananalapi ay madalas na nakabatay sa paggamit ng mga instinto ng isang tao, lalo na sa trading.

Ngunit kung ang mga instintong iyon ay kulang sa kaalaman o karanasan, malamang na magkakaroon ng masasamang kinalabasan.

Ano ang tangibility ng pag-asam?

Ang subcategory na ito ng mga instinto sa trading ay nauugnay sa kung kailan ang pagtuon ng isang trader ay pangunahing nakadirekta sa pag-asam ng isang kinalabasan, sa halip na sa pangwakas na layunin.

Sa katunayan, ang pagtuong ito ay nagiging sobrang lakas na nagsisimula itong sumapaw sa balak o inasam-asam na makamit ng trader. Ito ang pagsabik iyong nadarama ng isang tao tungkol sa posibilidad na makamit ang isang bagay sa halip na ang aktuwal na kinalabasan.

Ang problema rito ay maaaring maging sobra-sobra ang damdaming ito, sa punto na nagiging hadlang ito sa pagsasagawa ng mga aktuwal na hakbang upang makamit ang layunin. Sa madaling salita, natitigil ang paggawa, na siyang humahadlang sa mga potensyal na kumikitang kinalabasan sa trading.

Pagbabawas ng epekto ng “tangibility ng pag-asam”

Kapag nagiging adiksiyon ang pag-iisip tungkol sa isang panalo sa halip na aktibong habulin ang panalong iyon, mahalagang huminto, makakuha ng ibang pananaw, at muling tumuon sa mga praktikal na hakbang na kailangan upang magtagumpay.

Nangangailangan ito ng kritikal na kamalayan sa sarili at ang pagiging handang iakma ang sariling pag-uugali. Sa madaling salita, kailangang bumalik sa lupa ang trader, at magsimulang magsagawa ng mga tangible na hakbang upang makatamo ng mga tubo.

Maraming paraan kung paano magagawa ito.

Bilang simula, ang pagbuo ng isang plano sa trading ay makakatulong sa inyong magtatag ng mahihigpit na parametro, kumbaga isang balangkas, na gagamitin ninyong mag-trade. Ang pagkakaroon ng mga naaangkop na hakbang na nagtatakda kung paano kayo papasok at lalabas sa mga trade, at bakit, ay pananatilihin kayong mas nakatutok, hindi nagbabago, at disiplinado. “Gagawa” kayo, sa halip na mag-isip tungkol sa gagawin.

Pangalawa, isaalang-alang na mag-akses ng mapagkukunang pang-edukasyon upang palawakin ang inyong saklaw ng kaalaman, upang maunawaan ninyo kung paano gumawa ng mga desisyon sa trading batay sa aktuwal na datos.

Dagdagan ninyo ito ng impormasyon mula sa mga pahayag at pangyayari tungkol sa balita sa ekonomiya sa buong mundo, upang manatili kayong nakakaalam tungkol sa mga kasalukuyang kalakaran.Ilayo ang inyong pagtuon sa pag-iisip tungkol sa pagbukas ng isang posisyon sa pagsasagawa ng isang aktuwal na trade batay sa natuto ninyo.

Tandaan, ang mga katotohan ay ang nagbibigay-kapangyarihan sa mga desisyon sa trading. Pinahihintulutan kayo nitong lumayo sa pag-asam ng mga kinalabasan lamang sa pagsasagawa ng mga hakbang upang makamit sila na may kumpiyansa na nagmumula sa kaalaman.

Pangatlo, tandaan na ang mga pagkakamali ay bahagi ng paglalakbay sa trading. Sa halip na ituring sila bilang mga pagkabigo, gamitin sila bilang mga pagkakataong matuto. Huwag ninyong payagan silang panatilihin kayo sa isang kalagayan ng pag-asam. Sa halip, gamitin ninyo sila bilang isang paraan upang mabawasan ang mga pagkakamali sa hinaharap.

Bilang pangwakas, tandaan na anuman ang nabanggit sa itaas, maliban kung nagtakda kayo ng mga layuning hinahangad ninyo, malamang na mawawalan kayo ng pokus.

Itakda kung ano ang nais ninyong makamit, isama ito sa inyong plano sa trading, at bigyang-pansin ito. Kung tutuusin, ang trading na batay sa pag-aanalisa at estratehiya sa halip na sa mga emosyon ay malamang na magpapataas sa inyong potensyal para sa tagumpay.